II Test de tragadeiras democráticas

Despois do éxito da primeira entrega, o GC.mbc renóvase cunha nova edición do test de Tragadeiras democráticas*


As cousas apenas cambiaron desde aquela porque o SUXEITO recoñeceu o escrito do seu puño e letra, e mudou o seu noble apartamento pola non menos nobre cela de Soto del Real.
Pero non convén esquecer de onde partiu todo.
Daquela, como agora, pasado o tempo, o obxectivo do test aspira a coñecer o estado da deglución no Electorado; ese tipo de enquisas non as fai nin Sigma nin Demoscopia.

Colaboren, non descoiden o aparato dixestivo.

Xa me contarán da fiabilidade do meu método demoscópico.


Qué faría vostede se lle caese este documento nas súas mans?




A) Quedaría como estou. Comparado cos 44 kilos do autor da contabilidade de Suíza…  SI/NON
B) Aceptaría algún carguiño e poríame á cola, e deixaría o caciño, a ver se me cae algo. 
SI/NON
C) Consolaría ao Presidente por ser o peor pagado: 2.100.000, non dá nin pa gasofa. 
SI/NON
D) Pediría ao Paco A.C. que devolvera as pezas cazadas con Fraga mentres se afundía o Prestige, e de paso os 3.300.000 del ala.
SI/NON
E) Preguntaríalle a Rato, como estivo tan «rato» e non meteu eses aforriños en Bankia.
SI/NON
F) Sacaría a Alí Babá da cova e metería a todos eles cuns bidóns de lexivia para papel moeda.
SI/NON
G) Fundaría unha seta EREmita na Cartuja, para recuperar a alfarería tradicional.
SI/NON
H) Mandaríaos a Siberia. Ou non, que aghora van para alá @s defraudadores e viven felices e comen dos renos que caza Putin.
SI/NON

Cada resposta positiva 10%
  • 100%: estás imposible, mellor nin votes, porque nin te gusta nin o consideras necesario
  • 80% a 40%: votarías polo dentista de Raphael, por aquilo de votar con XEITO.
  • 41% a 21%: vas collendo o timón da túa vida, pero fáltache o GPS
  • 20% a 11%: tragadeiras relativas, pero con acidez; iso si, dadas as circunstancias habería que ir deixando o Omeprazol.
  • 10% a 1%: tragas pouco e con dificultade, pero estás no camiño
  • 0%: Nin con sonda nasogástrica, non tragas e non tragas
PARA IMPACIENTES, Preguntas comodín, DE PORCENTAXE AUTOMÁTICA:

I) Menuda chorrada!:  0 %

I.I) Menuda chorrada! E nin de coña independencia para Cataluña, viva el Alcorcón, el Barça, á Segunda.  (Resposta en deferencia ao xefe, en vésperas da extraordinaria)  

J) Todo o anterior, como mínimo!: 100%

VOG  SSPXP*: texto en versión orixinal galega,  sen subtítulos, para xente plurilíngüe

RSS

Claves do éxito coas preferentes

Os últimos desenlaces positivos dos casos de preferentes invítanme a recordar que gran parte destes éxitos xudiciais, para as persoas atrapadas por estes produtos financeiros tan complexos, comezan pola análise concienzuda da documentación bancaria.

En non poucos casos, a/o clienta/o encóntrase con documentación descoñecida, que nin sequera pasou polas súas mans, nin deu consentimento para que fosen asinada. 

As présas por «encaixar» o producto o máis rapidamente posible, levou a certos empregad@s desaprensivos (abusando moi frecuentemente da confianza depositada nel@s) a asinar os documentos de consentimento, de modo fraudulento, suplantando a identidade d@ confiad@ aforrador/a.

Un dos documentos obxecto de falsificación máis frecuente, con que tiven ocasión de encontrarme son os chamados ironicamente «Tests de idoneidad«. Nestes tests valórase o perfil d@ inversor/a, o seus coñecementos financeiros, etc. 

Na firma destes documentos (aínda que nin sequera fose falsa) xa comeza a trama da estafa. A meirande parte d@s inversores -como a inmensa maioría da poboación- descoñecemos o que significa operar con este tipo de produtos. O que si teñen (temos) claro é que non fixeron un depósito para ser conservado á perpetuidade. Clientes das Caixas de aforros?; a quen se lle vai ocorrer cousa tal? Os estafadores engancharon a persoas xubiladas (ningún cliente meu baixaba dos 70) vendéndolles preferentes como quen os camela coas mantas das viaxes do Inserso. 




*Esta é unha copia do documento real cos datos do cliente ocultos

A meirande parte cobrou o seu soldo desde a Caixa de aforros. Outros non poden conter a indignación contándome como pagaron, durante décadas, as nóminas e aos provedores do pequeno negocio, precisamente desde esa sucursal na que todo o persoal eran case amig@s. 

Se cadra non foi analizado este factor emocional, o abuso de confianza. O engano d@s empregad@s ou xef@s da sucursal, moitas veces non é tal. Pode que en moitos casos nin sequera coñecían o produto; e sentíanse presionados polos superiores. Pero isto non os libera de culpa. Unha auténtica estafa!.

Por iso celebro os éxitos d@s letrad@s nestes espiñentos das participacións preferentes e subordinadas, un síntoma de que podemos e debemos confiar na xustiza.

Servicios ofrecidos por el Gabinete Caligráfico MBC: – Pericias caligráficas de textos y firmas – Análisis documental – Lingüística Forense – Pericias caligráficas desde todos los soportes escritos; muros y paredes – Datación y análisis de tintas – Dictámenes por escrito en gallego y castellano Colaboración con el Laboratorio Documental LEYAS, mbar@leyas.es gabinetecaligrafico@gmail.com / tfno.: 669 060 265 /
RSS