Non perdo a ocasión de retratar estas notiñas colgadas nos postes, as cabinas ou as paradas de autobús. Atesóuroas para posteriores grafoanálises pensando que, dentro de non moito tempo, serán reliquias que testemuñen os nosos micro hábitos de vida.
Gardo para min as deducións grafolóxicas sobre a/el escribinte porque parecería entrar na súa intimidade de modo traicioneiro. Pero como estou certa de que ninguén coñece a un fontaniero que lle faga “trabajos y averías de fontanería a precios económicos”, pásovos o contacto.